MAMBUAT TUA NI GONDANG

MAMBUAT TUA NI GONDANG

Kata pengantar / huhuasi

……………………………

Amang pande namalo, na hot di ula-ulana

Na hot dipoda naso marlaok bota

Nahundul dipatuan hot dibonggar ni ruma

Pasahat-sahat dungdang pasahat-sahat tona

Marhite hata ni Tuhanta

Manat amang unang tarrobung

Nanget unang tarlinsir

Di ruhut ni panggualon unang adong be nahurang

Satahi saoloan unang adong namimir.

Antong pande nami,

Ling-ling majolo tagadingmi ………..

Huruk majolo sarunemi ……….

Parumbung majolo ogungmi ………

Amang pande namalo,

Nunga manat hutangi hami dang adong be na hurang

Nunga tio songon mata ni mual

Rintar songon bonang ni gala

Ompungta do mandok:

Sulum ni gomgoman porhis lumunta-lunta

Adat, uhum dohot agama do hajongjongan asa horas hita saluhutna.

Laho mamonahon gondang on

Bahen damang majolo gondang sipitu buhi

Ima gondang sabungan ganti ni somba nami tu Debata Mulajadi.

(hot di inganan nabe)

Amang pande namalo,

Ala ulaon haDebataon do ulaon muani, ulaon na maharsantian

Namardomu tu adat ni habatakon.

Asa ias hita sohapurpuran, puti sohaliapan,

badia songon suru-suruan.

Alu-aluhon ma tu Debata

Asa Ibana mamasu-masu ulaonta on dibagasan dame

Sonang soharibo-riboan ias soada mara.

…………………….

Siraja inda-inda siraja indapati

Pajujung-jujung pinggan di hos mataniari

Pasahat-sahat dungdang pasahat-sahat tona tu Debata Mulajadi

Asa horas hita dipamatang martua nang di tondi.

Alu-aluhon ma tu inanta  Maria dohot tu angka nabadia, suru-suruan ni Debata Mulajadi.

…………………………

Asa gundurma pangalumi,

Ansimun ma pangalambohi

Molo adong namarhurang lobi

Manganju ma Debata dihami

Aluluhon ma tu panggomgomi ni huria  ima :Amanta Paus, Uskup, Pastor, Parhlado ni hurianta Dohot sahala raja, amanta raja dohot inanta soripada !

……………………………

Mauliate ma amang pandenami .

Ala neng mulaanta nama ulaonon tu ruhut ni panortoron.

Antong Pande namalo na hot di ulalana nahot di poda naso marlaok bota

Nahundul di patuan hot dibonggar ni ruma

Pasahat-sahat dungdang pasahat-sahat tona marhite hata ni Tuhanta.

Debata do namando Alfa Omega lapatanna Debata do bonana Debata do ujungna

Debata do namamungka asa horas hita saluhutna.

Ompunta parjolo do namandok :

Sianjur mula-mula sianjur mula tompa

Parsirangan ni aek pardomuan ni hosa

Mula ni marlundu maula ni marlata

Na untopap pusu-pusu mula ni onggak marsuara

Debata do na mamungka asa horas hita saluhutna

Antong pande nami, bahen damang majolo gondang mula-mula.

Amang pande namalo!

Adat ni ompungta dalihan natolu

Manat mardongan tubu, elek marboru, somba marhula-hula

Somba ni maduma somba na tinompa

Debata do sombaonta asa horas jala torhis hita saluhutna

Antong bahen damang majolo gondang somba.

Amang Pande na malo ala neng mangaliat ma boan ni hasuhuton di pogu ni alaman namarsangap namartuaon sigomgom nasa pangisinaon, pangantaran ni anak dohot parmeaman ni boruon

Antong pande nami ,songon nidokni natua-tua madohonon :

Denggan do tano liat mambahen parik ni parhutaan

Dison hami naeng mangliat bona ni hasuhuton

Liat gabe liat horas di hita  sude naloloon

Antong baen damang  majolo gondang mangaliat

Amang Pande na malo !

Aek do daon ni nge-nge , topot-topot do daon ni dosa

Di ruhut nipanortoron : masisiuhan ma namarhaha maranggi ,olopan ma boru,

sombaon mahula-hula .Jadi sada ma hami jala ias sohapurparan badia songon surusuruan manjalo pasu – pasu sian Debata pininta ni ulaoon.

Antong pande nami baen damang ma gondang namar sisiuhan

dohot namarsiolop-olopan.

Marluga ma parluga marluga manopi nopi

Nasida pe dang muli, hami pe dang dope mangoli

Asa saut ma pangidoan asi roha ni Tuhan

Sai anggiat ma dapot sirongkap ni tondi

Antong bahen damang majolo gondang siraja doli

Laos padomu ma tu si boru mangoloi

Ni pillit ma anak ni bulu

Mambahen hotor-hotor

Jadi ma hami angka guru

Na martitel doktor dohot professor

Bahen damang majolo gondang si bunga jambu

Tano ni Sidikalang denggan panuanan ni timbaho

Disurgo do hasonangan alai haposo on do nauntabo

Asa manortor hami angka naposo

Bahen damang majolo poco-poco

Hata sopsik alai tong pisik

Hami angka naposo naeng marhusip

Antong bahen damang majolo gondang hata sopsik

Gambir sian Dairi hapur sian angkola

Dibibir do daina di tolonan do tabona

Sipasindak panaili sipaulak hosa loja

Antong pande nami bahen majolo gondang anggar-anggar Dairi

Gondang hasahatan dohot sitio-tio

Amang pande nami amang sihopo hopo

Malo di nian hami alai pande do anggo ho

Sude pangidoan nami tung denggan do dibahen ho

Ala naeng buhuan nami ma tor-tor nami on

Asa saut na didok natua-tua

Ladang siantar matio pangesehan ni parmahan

Gondang sitio-tio pangolopon ni parhorasan

Nauli do antong pinangido asa ampe pasu-pasuan

Somba tangan mangido basa-basa ni Tuhan

Antong bahen damang majolo gondang sitio-tio laos padomu ma tu gondang hasahatan.

Sahat sahala tua ampe pinggan pasu

Sudema hita martua jala dapotan pasu-pasu

Amang pande nami bahen ma gondang sitio-tio laos padomu ma tu gondang hasahatan.

Sumber : Tulisan dr Bapak saya K. Sitanggang sebagai salah seorang parhata di TanjungBalai Asahan SUMUT

Advertisements



    Leave a Reply

    Please log in using one of these methods to post your comment:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s


  • Kalender Imronsius

    March 2010
    M T W T F S S
    « Feb   Jul »
    1234567
    891011121314
    15161718192021
    22232425262728
    293031  
  • Arsip

  • Kategori

  • Postingan Baru

  • Top Posts

  • RSS Headline Liputan 6

    • Sandiaga Tak Ingin Program Protein Disebut Revolusi Putih
      Wakil Gubernur DKI Jakarta Sandiaga Uno tidak ingin menyebut program pengadaan susu untuk pemenuhan protein warga tidak mampu Ibu Kota disebut revolusi putih. Dia menilai revolusi putih sarat akan politisasi dan dapat memecah belah masyarakat. +ACY-quot+ADs-Jangan dipolitisasi, karena kalau dibilang revolusi putih nanti masuknya ke politik. Pak Prabowo punya program […]
    • Ejekan Higuain Hanya Bikin Messi Tertawa
      Ada kejadian unik sebelum laga Juventus vs Barcelona di Turin, Kamis (23/11/2017) dini hari WIB. Sebelum pertandingan, Lionel Messi diejek oleh rekan senegaranya, Gonzalo Higuain dengan kata-kata telak. Dalam laga yang berakhir imbang tanpa gol itu, Messi memang tak jadi starter. Dia hanya jadi pemain pengganti yang masuk menit ke-56 menggantikan Gerard Deul […]
    • VIDEO: Kunjungi Mal, Jokowi Main Basket Bersama Jen Ethes
      Presiden Joko Widodo atau Jokowi mengunjungi salah satu mal di kawasan Jalan Wahid Hasyim, Medan, Sumatera Utara. Jokowi juga mengajak Gibran, Selvi, dan cucunya, Jan Ethes.
  • RSS Berita Olahraga Terkini

    • Rizchy-Rivani juara Menpora-Emeralda Golf Cup 2017
      Dua pegolf amatir nasional Indonesia, Rizchy Subakti dan Rivani Adelia Sihotang, sukses menjuarai Menpora-Emeralda Golf Cup II 2017 di Depok, Jawa Barat, pada 9-11 November 2017 Rizchy, pegolf asal Sumatera Selatan, ...
    • Marquez start terdepan MotoGP Valencia, Dovizioso kesembilan
      Pebalap Repsol Honda, Marc Marquez, tampil gemilang pada sesi kualifikasi dengan mengamankan posisi terdepan (pole) untuk balapan seri terakhir MotoGP 2017 di Sirkuit Ricardo Tormo, Valencia, Spanyol, yang akan digelar pada ...
    • Borneo bungkam Arema 3-2
      Kesebelasan Borneo FC berhasil memenuhi ambisinya untuk menutup laga kompetisi Liga 1 2017 dengan kemenangan, saat menjamu Arema FC di Stadion Segiri Samarinda, Kalimantan Timur, Sabtu (11/11). Tim berjuluk "Pesut Etam" ...
  • Imronsius

  • Top Clicks

    • None
  • Blogroll


%d bloggers like this: