MAMBUAT TUA NI GONDANG MOLO MUSIK DO DI PANGKE

MAMBUAT TUA NI GONDANG  MOLO MUSIK DO DI PANGKE

Kata pengantar / huhuasi seuai tu thema ni ulaon

……………………………

Amang pande namalo, na hot di ula-ulana

Na hot dipoda naso marlaok bota

Nahundul dipatuan hot dibonggar ni ruma

Pasahat-sahat dungdang pasahat-sahat tona

Marhite hata ni Tuhanta

Manat amang unang tarrobung

Nanget unang tarlinsir

Di ruhut ni panggualon unang adong be nahurang

Satahi saoloan unang adong namimir.

Antong pande nami,Sitem majolo alat-alat musik mi

……………

Amang pande namalo,

Nunga manat hutangi hami dang adong be na hurang

Nunga tio songon mata ni mual

Rintar songon bonang ni gala, badia songon suru-suruan.

Ompungta do mandok:

Sulum ni gomgoman porhis lumunta-lunta

Adat, uhum dohot agama do hajongjongan asa horas hita saluhutna.

Ala ulaon hadebataon do ulaon munai, ulaon na maharsantian

Namardomu tu adat ni habatakhon.

Asa ias hita sohapurpuran, puti sohaliapan, badia songon suru-suruan.

Alu-aluhon ma tu Debata Si Tolu Sada

Asa Ibana mamasu-masu ulaonta on dibagasan dame dohot las ni roha

Sonang soharibo-riboan ias soada mara.

…………………….

Siraja inda-inda siraja indapati

Pajujung-jujung pinggan di hos ni mataniari

Pasahat-sahat dungdang pasahat-sahat tona tu Debata Mulajadi

Asa horas hita dipamatang martua nang di tondi.

Alu-aluhon ma tu inanta  Maria nabadia,  tu  hatopan niangka halak nabadia,

dohot tu suru-suruan ni Debata Mula Jadi …………..

Asa gundurma pangalumi,Ansimun ma pangalambohi .

Molo adong namarhurang lobi.Manganju ma Debata dihami

Aluluhon ma tu panggomgomi ni huria  ima :Amanta Paus, Uskup, Pastor,

Parhlado ni huria,  Dohot sahala raja, amanta raja dohot inanta soripa ,………….

Mauliate ma amang pandenami .Ala naeng mulaanta nama ulaon on tu ruhut ni panortoron.

Debata do namandok :           Alfa Omega lapatanna :

Debata do bonana Debata do ujungna

Debata do namamungka asa horas hita saluhutna.

Ompunta parjolo do namandok : Sianjur mula-mula sianjur mula tompa

Parsirangan ni aek pardomuan ni hosa

Mula ni marlundu mula ni marlata

Na untopap pusu-pusu mula ni onggak marsuara

Debata do na mamungka asa horas hita saluhutna

Antong pande nami, bahen damang majolo gondang mula-mula.

Amang pande namalo!

Adat ni ompungta dalihan natolu

Manat mardongan tubu, elek marboru,

somba marhula-hula.

Somba ni maduma somba na tinompa

Debata do sombaonta asa horas jala torhis hita saluhutna

Antong bahen damang majolo gondang somba.

Amang Pande na malo ala neng mangaliat ma bona ni hasuhuton di pogu ni alaman namarsangap namartuaon sigomgom nasa pangisinaon, pangantaran ni anak dohot parmeaman ni boruon

Songon nidokni natua-tua madohonon :

Denggan do tano liat mambahen parik ni parhutaan

Dison hami naeng mangliat bona ni hasuhuton

Asa liat gabe liat horas di hita  sude naliat naloloon

Antong baen damang  majolo gondang mangaliat ,

Gondang Sampur marorot

Asa Debata  dihita  na mangarorot.

Amang Panggual Pargonsi Pande namalo !

Naputi sohaliapan sori sohabubuhan ias soada mara.

Aek do daon ni nge-nge topot – topot do daon ni dosa.

Asa gundur pangalumi ansimun pangalambohi

Molo adong dihami namarhurang lobi

Asa manganju Debata Mula Jadi di hami.

Antong Pande namalo baen damang majolo gondang solsol ni roha,di hami,

Anggiat marhite i , disesa Debata angka dosanami.

Asa ias hami sohapurpuran ,puti sohaliapan , ias soada mara.

Baenma Gondang Parsiarabu songon panolsolion tu Debata,

huhut mangelek elek pasupasu-Na.

( Asa marsisiukan hami manang marsiolopolopan angka namarhaha maranggi )

( PINASAHAT MA TU BORU / BERE / IBEBERE NAMI )

Penutup ( hasahatan )

Amang Pande namalo , Amang sihopo – hopo

Malo do nian hami alai Pande do anggo ho

Sude pangidoan nami tung denggan do di bahen ho.

Ompunta do mandok :Si raja inda – inda si raja Indapati

Pajujung-jujung pinggan di hos ni mataniari

Hamu do pandenami

Pasahat-sahat  tangiang tu Debata Mula Jadi

Asa horas hami di pamatang martua nang di tondi.

Ala buhuan nami nama tor-tornamion .

Ladang ni siantar matio pangasean ni parmahan,

Gondang sitio-tio do anggo pangolopon ni parhorason.

Na uli do napinio asa tampe pasu-pasuan,

Somba tangan mangido di basa-basa ni Tuhan.

Antong Pande nami baen damang gondang sitio-tio

laos ampehon ma tu gondang hasahatan.

Sianjur mula-mula sianjur mula tompa

Parsirangan ni aek pardomuan ni hosa

Mula ni marlundu mula ni marlata

Na untopap pusu-pusu mula ni onggak marsuara

Debata do namamungka asa horas hita saluhutna

Sude hita martua ala Jesus nunga gabe jolma

Tuhanta do mandok Alfa Omega : Lapatanna Debata do mulana Debata do ujungna

Mula ni marlundu mula ni namarhosa

Na untopap pusu-pusu mula ni onggak marsuara

Sai sumurut ma tarmalu sude nasa mara

Sai sanggopma pasu-pasu di hita manisia

Na ingot di poda na so marlaok bota

Sai ampe ma pasu-pasu sangap dohot tua

Debata do namamungka asa horas hita saluhutna.

Amang pande nami bahen damang majolo gondang mula-mula

Marluga ma parluga marluga manopi nopi

Nasida pe dang muli, hami pe dang dope mangoli

Asa saut ma pangidoan asi roha ni Tuhan

Sai anggiat ma dapot sirongkap ni tondi tumpahon ni Debata Mula Jadi

Antong bahen damang majolo gondang siraja doli laos padomu ma tu si boru mangoloi

Ni pillit ma anak ni bulu laho mambahen hotor-hotor

Tubu ma dipinomparmu anak  martitel doktor dohot professor

Dohot boru namartitel mahaguru

Bahen damang majolo gondang si bunga jambu

Tano ni Sidikalang denggan panuanan ni timbaho

Disurgo do hasonangan alai haposo on do anggo nauntabo

Asa manortor hami angka naposo, bahen damang majolo lagu  poco-poco

Hata sopsik alai tong pisik

Hami angka naposo naeng marhusip

Antong bahen damang majolo gondang hata sopsik

Gambir sian Dairi hapur sian angkola

Dibibir do daina di tolonan do tabona

Sipasindak panaili sipaulak hosa loja

Antong pande nami bahen majolo gondang anggar-anggar Dairi

Gondang hasahatan dohot sitio-tio

Amang pande nami amang sihopo hopo

Malo di nian hami alai pande do anggo ho

Sude pangidoan nami tung denggan do dibahen ho

Ala naeng buhuan nami ma tor-tor nami on. Asa saut songon nanidok ni natua-tua

Ladang siantar matio pangesehan ni parmahan

Gondang sitio-tio pangolopon ni parhorasan

Nauli do antong pinangido asa ampe pasu-pasuan

Somba tangan mangido basa-basa ni Tuhan

Antong bahen damang majolo gondang sitio-tio laos padomu ma tu gondang hasahatan.

Sahat sahala tua ampe pinggan pasu

Sudema hita martua jala dapotan pasu-pasu

Amang pande nami bahen ma gondang sitio-tio laos padomu ma tu gondang hasahatan

Sumber : Tulisan dr Bapak saya K. Sitanggang sebagai salah seorang parhata di TanjungBalai Asahan SUMUT

Advertisements

  1. Bagus….Salam kenal

  2. mrcuek1

    mantap dek!! update yg lain ya? manotar ramlan stg




Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


  • Kalender Imronsius

    March 2010
    M T W T F S S
    « Feb   Jul »
    1234567
    891011121314
    15161718192021
    22232425262728
    293031  
  • Arsip

  • Kategori

  • Postingan Baru

  • Top Posts

  • RSS Headline Liputan 6

    • Sandiaga Tak Ingin Program Protein Disebut Revolusi Putih
      Wakil Gubernur DKI Jakarta Sandiaga Uno tidak ingin menyebut program pengadaan susu untuk pemenuhan protein warga tidak mampu Ibu Kota disebut revolusi putih. Dia menilai revolusi putih sarat akan politisasi dan dapat memecah belah masyarakat. +ACY-quot+ADs-Jangan dipolitisasi, karena kalau dibilang revolusi putih nanti masuknya ke politik. Pak Prabowo punya program […]
    • Ejekan Higuain Hanya Bikin Messi Tertawa
      Ada kejadian unik sebelum laga Juventus vs Barcelona di Turin, Kamis (23/11/2017) dini hari WIB. Sebelum pertandingan, Lionel Messi diejek oleh rekan senegaranya, Gonzalo Higuain dengan kata-kata telak. Dalam laga yang berakhir imbang tanpa gol itu, Messi memang tak jadi starter. Dia hanya jadi pemain pengganti yang masuk menit ke-56 menggantikan Gerard Deul […]
    • VIDEO: Kunjungi Mal, Jokowi Main Basket Bersama Jen Ethes
      Presiden Joko Widodo atau Jokowi mengunjungi salah satu mal di kawasan Jalan Wahid Hasyim, Medan, Sumatera Utara. Jokowi juga mengajak Gibran, Selvi, dan cucunya, Jan Ethes.
  • RSS Berita Olahraga Terkini

    • Rizchy-Rivani juara Menpora-Emeralda Golf Cup 2017
      Dua pegolf amatir nasional Indonesia, Rizchy Subakti dan Rivani Adelia Sihotang, sukses menjuarai Menpora-Emeralda Golf Cup II 2017 di Depok, Jawa Barat, pada 9-11 November 2017 Rizchy, pegolf asal Sumatera Selatan, ...
    • Marquez start terdepan MotoGP Valencia, Dovizioso kesembilan
      Pebalap Repsol Honda, Marc Marquez, tampil gemilang pada sesi kualifikasi dengan mengamankan posisi terdepan (pole) untuk balapan seri terakhir MotoGP 2017 di Sirkuit Ricardo Tormo, Valencia, Spanyol, yang akan digelar pada ...
    • Borneo bungkam Arema 3-2
      Kesebelasan Borneo FC berhasil memenuhi ambisinya untuk menutup laga kompetisi Liga 1 2017 dengan kemenangan, saat menjamu Arema FC di Stadion Segiri Samarinda, Kalimantan Timur, Sabtu (11/11). Tim berjuluk "Pesut Etam" ...
  • Imronsius

  • Top Clicks

    • None
  • Blogroll


%d bloggers like this: